ДЮРДЬОВ – Основна школа „Йован Йованович Змай” вчера пред вечаром випровадзела 66 школярох осмих класох з штирох оддзелєньох, медзи котрима єдно руске, у хторим пецеро школяре.
На шветочносци у дворе Школи, пред вельким числом родичох, товаришох и родзини, директорка Школи Мария Тртич уручела припознаня и дипломи найуспишнєйшим маломатурантом.
Поприберани школяре вєдно одтанцовали матурски танєц, а потим у голу Школи отримани маломатурски вечар. У ушореним голу малу матуру ше преславює осми рок, а у орґанизациї помагаю и мацери матурантох, та и їм директорка Школи на шветочносци уручела подзекованя.
Маломатурски вечар осмаки преславели вєдно зоз своїма учителями и класнима старшинами, а пол годзини пред пол ноци за нїх орґанизовани и огньомет.