„Дай и ти свою руку” у Коцуре од 24. по 26. юлий

автор злк
900 Опатрене

КОЦУР – У Коцуре на пияток, 24. юлия, почнє Акция „Дай и ти свою руку”, а будзе тирвац по нєдзелю, 26. юлий, у орґанизациї младежскей орґанизациї „КУМ”.

 На Акцию приявени коло 200 учашнїки з цалей Сербиї, котри буду змесцени по обисцох учашнїкох з Коцура и других Коцурцох котри ше приявели же приму волонтерох на спанє. Понеже ище треба обезпечиц ноцованє за 24 волонтерох, орґанизаторе поволую заинтересованих Коцурцох же би ше явели младим з „КУМ”.

Акция на пияток, 24. юлия, шветочно будзе отворена у Доме култури, по приходу шицких приявених учашнїкох, а перши дзень планована розвага, з наступом штирох ґрупох на лєтнєй бини.

На соботу, 25. юлия будзе роботна часц, преподаваня, креативни и спортски активносци, як и турнир у фодбалє и ноцне купанє на базену у Вербаше.

Акция на нєдзелю будзе предлужена зоз Службу Божу у грекокатолїцкей церкви, друженьом и розвагу на „Пелейовим салашу”, же би пополадню була закончена.

ПОВЯЗАНИ ТЕКСТИ