КОЦУР – На конкурс за место директора коцурскей Основней школи „Братство-єдинство”, хтори бул од 1. по 16. април, приявели ше тройо кандидати, а двойо сполнюю шицки дати условия. Понеже єдно з условийох було и же би кандидат знал бешедовац по руски, приява єдного кандидата нє будзе розпатрана, бо нє сполнює тото условиє.
Нови директор Школи ма буц вибрани по 15. юлий, а за приношенє одлуки ше глєда думанє Наставнїцкей ради и Националного совиту Руснацох, после чого одлуку о виборе принєше Школски одбор, хтору вец ма потвердзиц Покраїнски секретарият за образованє.
Прешлого року вибрана директорка коцурскей Школи Моника Тамаш у януаре того року дала задзекованє на тоту функцию пре преселєнє до иножемства, од кеди окончователька длужносци директора Славица Байор.