ВУКОВАР – У Вуковаре нєшка, 23. мая, будзе означени Дзень Руснацох у Републики Горватскей. Дзень Руснацох у Горватскей 25. май, як здогадованє на датум кед 1836. року основана перша грекокатолїцка парохия у Петровцох.
Означованє Дня Руснацох у Републики Горватскей нєшка почнє на 19 годзин з кладзеньом венцох на криж при Дунаю, а на 19,30 г. у Городским музею у Вуковаре будзе Шветочна академия, на хторей участвую рецитаторе и шпивацки ґрупи з Миклошевцох, Петровцох и Вуковару.
Дзень Руснацох орґанизує Координация рускей националней меншини у Републики Горватскей, а под покровительством Вуковарско-сримскей жупаниї и Городского музею Вуковар.