КУЛА – Директор Белавей птици Марко Кошутич меновани за члена Совиту Влади Сербиї за особи зоз инвалидитетом.
По одлуки Влади Републики Сербиї зоз схадзки од 20. мая 2021. року основани Совит за особи зоз инвалидитетом хтори фахове совитодавне цело Влади Сербиї.
Дня 12. юлия у Палати Србия отримана конститутивна схадзка на котрей присуствовал Марко Кошутич, директор МНРО Белава птица и предсидатель союзу МНРО Войводини, котри меновани за члена Совиту Влади за шлїдуюци штири роки.
Совит водзи Биляна Барошевич, помоцнїца министра за роботу, занятосц, борецки и социялни питаня, а члени Совиту державни секретаре вецей министерствох, еминентни фаховци и представителє найрепрезентативнєйших орґанизацийох особох зоз инвалидитетом.
На совиту принєшени напрямки за дальшу роботу и започата робота на одредзованю конкретних приоритетох за роботу Совита у 2021.року.