ДЮРДЬОВ – Вчера, 21. септембра, на Малу Матку Божу по юлиянским календаре, у нашей церкви у Дюрдьове преславене храмове швето – Кирбай. Архиєрейску Службу Божу предводзел апостолски еґзарх, владика Георгий Джуджар, а сослужели дзевецме священїки
Владику, присутних священїкох и госцох на Служби привитал дюрдьовски парох о. Йоаким Холошняй, а кир Георгий у казанї наглашел значносц Мацери Божей у християнским живоце и шицким повинчовал швето. По Служби бул обход коло церкви, а вирних було тельо же коло цркви направели заврти круг.
На Архиєрейскей Служби шпивали домашнї Хор „Розанов” и госцуюци Хор „Романс” зоз Швайцарскей.
Дюрдьовчанє на Кирбаю мали госцох з рижних местох и з иножемства, а у Рускей улїци и того року бул Кирбайски вашар. Гоч було жимнєйше и роботни дзень, вчера у Дюрдьове було вельо нащивительох, як на Кирбаю, так и у центре валалу.