ДЮРДЬОВ – У Велькей сали Дому култури у Дюрдьове вчера вечар члени Здруженя женох „Олория” одбавели сатирични перформанс з назву „Жена то жена, а аж кед є з валалу”.
Перформанс зоз своїм участвованьом збогацели огньогасци з ДОД Дюрдьов, Женска жридлова ґрупа КУД „Тарас Шевченко” и Женска шпивацка ґрупа „Дюрдєвак”.
Од вчера дополадня опрез Здруженя поставени и штанд з ручнима роботами членїцох, хтори там будзе през викенд, а по законченю вечаршого перформансу, у шедзиску Здруженя виложени ручни роботи и фотоґрафиї зоз саймох на хторих Здруженє участвовало.
Проєкт „Жена то жена, а аж кед є з валалу” потримал Покраїнски секретарият за привреду, обезпечованє роботи и ровноправносц полох.
