НОВИ САД – На вчерайшей схадзки Скупштини АП Войводини покраїнски посланїки ше упознали з Рочним звитом Покраїнского омбудсмана за прешли рок, а принєшена и Одлука о порушованю и способе задлужованя Войводини за финансованє набавяня опреми за „Каменїцу 2”.
Як плановане з буджетом за тот рок, Покраїна ше задлужи за 2 милиярди 80 милиони динари за набавянє апаратох за зарйованє и другей опреми за шицки три здравствени институти у Сримскей Каменїци.
Скупштина вчера прилапела и Звит о управяню и розполаганю з явну власносцу АП Войводини, принєшена Одлука о виборе предсидателя и членох одборох Скупштини, як и Одлука о формованю Одбору за националну ровноправносц Скупштини Войводини. Тиж так, принєшена и Одлука заключованю спорозуменьох АПВ з одвитуюцима териториялнима заєднїцами других державох.