Закончена Конференция младих европских лидерох

автор  ртв/маз
866 Опатрене

НОВИ САД – У Новим Садзе вчера закончена штиродньова Конференция националних европских лидерох Медзинародней комори младих (ЙЦИ), на хторей участвовали вецей як 80 учашнїки зоз 40 европских жемох, медзи нїма и двойо Руснаци – Анамария Сабол и Ненад Скокич.

Медзи иншим, на Конференциї розпатрана шлєбода бешеди у класичним и алтернативним новинарстве у приватним, явним и нєвладовим секторе.

ЙЦИ того року преславює сторочнїцу роботи з мотом „Розвой лидерох будучносци”, а тота медзинародна орґанизация ма коло 200 000 членох-волонтерох зоз 115 жемох швета, хтори свой шлєбодни час пошвецую твореню позитивних пременкох у дружтве.

У ЙЦИ Сербиї активни комори у шейсц городох – Беоґрадзе, Новим Садзе, Нишу, Суботици, Зренянину и у Лесковцу.

 

ПОВЯЗАНИ ТЕКСТИ