ВЕРБАС/МАЛИ ИДЬОШ – Внєдзелю, 13. новембра, после седем дньох тирваня, закончене 17. зволанє Подобовей колониї „Няради”, хтору орґанизує наш маляр Владо Няради. Подобова колония того року отримана у Госцинскей хижи „Катаи” у Малим Идьошу.
На Колониї участвовали дзевецеро подобово уметнїки котри мальовали мотиви и у технїкох по хторих су препознатлїви и прейґ хторих найлєпше указую свой талант и квалитет.
Як гварел Владо Няради, роботи з тей Колониї нє буду на предай, алє постаню часц колекциї Подобовей колониї „Няради” и буду викладани за явносц, же би єдного дня творели стаємну постановку.