РУСКИ КЕРЕСТУР – У парохиї св. оца Миколая у Руским Керестуре вчера закончене пошвецанє обисцох з богоявлєнску воду, хторе почало по Богоявлєню Господнїм, 7. януара по григориянским календаре.
Останї дзень пошвецени грекокатолїцки обисца у улїцох Ґабра Ороса, Якима Салонтая и на Вашарскей, а пошвецали троме домашнї священїки – парох о. Михайло Малацко и капеланє о. Владимир Медєши и о. Иґор Вовк.
Як то традиция, з тей нагоди ше, крем домашнїх, у велїх обисцох позберала и ширша фамелия.