СЕРБИЯ – Запровадзованє младежскей политики на локалним уровню, значносц лєпшей орґанизациї роботи Канцеларийох за младих (КЗМ), та їх упознаванє зоз законску реґулативу младежи у Сербиї були теми о хторих бешедовал министер младежи и спорту Ваня Удовичич з представителями КЗМ.
На схадзки з министром Удовичичом були 160 представителє КЗМ з 90 општинох зоз Сербиї, а з тей нагоди вон визначел же ширцом держави маме рижнородни статуси КЗМ. У функционованю Канцеларийох треба же би участвовала и локална самоуправа, прето же на тот способ младежска политика може буц витворена на прави способ и будзе мац найлєпши резултати.
Удовичич гварел же треба винайсц єдинствени модел Канцелариї за младих и додал же у тим ключну улогу маю городи и општини, як найзначнєйши партнере Министерства младежи и спорту.