РУСКИ КЕРЕСТУР – З нагоди нєшкайшого Дня залюбених, у Школи „Петро Кузмяк” у Руским Керестуре вчера отримани музично-поетски вечар, на хторим участвовали школяре седмей о осмей класи, як и штредньошколци.
Марина Роман и Александра Русковски одграли на ґитарох и одшпивали даскельо шпиванки, а їх парняки Жарко Остоїч и Павле Рац, на ґитарох провадзели Кристину Афич, котра виведла два шпиванки.
Алексей Павлович през презентацию представел прецо ше слави тото швето, а Славка Мудри, Себастиян Надь, Тамара Будински, Ребека Планчак, Павле Роман, Милица Кнежевич, Ясна Медєши и Александра Колошняї пречитали свою, лєбо поезию других авторох. Програму водзели Сандра Регак и Александра Колошняї.
Редакторка младежского часопису МАК Мая Зазуляк представела школяром нове число и поволала заинтересованих же би ше уписали на МАК-ову новинарску роботню.
