РУСКИ КЕРЕСТУР/КУЛА – У наших церквох у Руским Керестуре и у Кули од нєшка кажди вечар священїки буду служиц Молебени до Богородици – Майово молебени, понеже май у Католїцкей цекви пошвецени Пречистей Дїви Мариї.
У керестурским катедралним храму св. оца Миколая Молебени буду кажди вечар по Служби хтора на 19 годзин, док у кулскей церкви св. Йосафата Молебени буду кажди вечар на 18 годзин. Пред тим на 17 г. будзе тиж заєднїцка молитва Ружанцу.
Молебени буду закончени 31. мая, з нєзаповеданим шветом Царици Богородици у нашим Марийовим святилищу Водици.
Майово Молебени ше кажди дзень, або даскельо днї у тижню, служи и у векшини парохийох нашого Апостолского Еґзархату.