НОВИ САД – Гуманитарну акцию „Квачки доброти“, хтору у марцу прейґ дружтвених мрежох започали даскельо особи, гражданє барз добре прилапели, та ше з Беоґраду квачки преширели и до Нового Саду и других городох.
Поживу, воду и чисте облєчиво за особи котри у чежким еґзистенциялним положеню Новосадянє можу охабиц на осем местох у городзе – на углє Шекспировей улїци и Булевару Цара Лазара, при Мастер центру, у улїци Новосадского сайму число 20, у Ґундуличовей число 9, при Алмашскей церкви, на углє Доситейовей и Карадьордьовей, та у улїци Войводи Бойовича, прейґ Социялного.
За вецей информациї мож писац на Фейсбук бок „Куке доброте“.