РУСКИ КЕРЕСТУР – Школярки керестурскей Ґимназиї ,,Петро Кузмяк”, Николина Шарич , Йована Ноґавица, Марина Роман, Антония Монар и Кристина Гайдук вєдно зоз свою професорку математики Наталию Будински, обдумали хореоґрафию зоз хтору участвую на змаганю ,,Твой лайк за наш плес”.
Змаганє ше отримує у рамику Союзу за школски спорт Сербиї, а циль того проєкту розвиц креативносц през рухи и танєц, як и порушац школярох основних и штреднїх школох же би були физично активни, та гоч и нє маю прихильносц ґу спортским бависком.
Гласанє за найинтересантнєйшу хореоґрафию оможлївене по 19. април, на сайту Школского спорту Сербиї, а керестурски ґимназиялки зазначени под числом 6.