Конкурс за здруженя зоз жабельскей општини

автор  бас
803 Опатрене

ЖАБЕЛЬ – Општина Жабель розпислал явни конкурс за финансованє, лєбо софинансованє програмох чи проєктох здруженьох з општини, хтори буду реализовани по 31. децембер того року.

Можу конкуровац здруженя хтори ше занїмаю з руралним розвойом, защиту животного штредку, очуваньом традициї и обєктох, як и хтори орґанизую манифестациї значни за локалну историю, старосц о старих особох, о особох з инвалидитетом и окремнима потребами.

Тиж, здруженя можу конкуровац и з проєктами за порив наталитету, здравствену защиту, защиту и промоцию людских и меншинских правох, за програми з образованя и науки, гуманитарних акцийох, за орґанизиванє волонтерских и других програмох и проєктох з хторима здруженя заступаю явни интереси.

Конкурс розписани вчера, отворени є по 16. юний, а вецей информациї мож видзиц на сайту Општини Жабель – www.zabalj.rs

 

ПОВЯЗАНИ ТЕКСТИ