НОВИ САД – У Мултимедиялним центре Академиї уметносцох у Новим Садзе пияток, 17. априла, отримани солистични концерт Олесї Рамач, студентки першого року гушлї, у класи професора Михала Будинския.
На програми були композициї В. А. Моцарта, Й. С. Баха, Д. Радича и П. И. Чайковского. Рамачову на клавире провадзела корепетиторка Марина Микич, а госци на концерту були студенти другого року на Академиї – Сузана Сарвак (гушля), Невена Влаович (виолончело) и Лука Йованович (клавир).
Професор Будински наглашел же Олеся перши студент Руснак у його класи, а вона тиж поцешена же од основней музичней школи по нєшка, перши раз на годзинох гушлї з професором може бешедовац на своїм мацеринским язику.
Концерт источашнє бул и ґенерална проба пред Олесйовим участвованьох на Медзинародним змаганю, о тидзень, 27. априла, у Нишу.