НОВИ САД – Предсидатель Лиґи социялдемократох Войводини (ЛСВ) Ненад Чанак гварел же Покраїнска влада леґална, алє нє ма леґитимитет, понеже у нєй нє правилно заступени гражданє, односно їх представителє, преноши Бета.
У марцу у Покраїнскей скупштини представени Нарис o символох Войводини и отримана розправа о тим предкладаню, а ЛСВ процив нього гласала бо за символи були предложени традицийни символи Княжовини Сербиї, а нє гражданох Войводини, потолковал Чанак госцуюци у емисиї на N1.
Тиж гварел же кед ше премиєр Сербиї Александар Вучич наисце заклада за европски интеґрациї и злєпшанє економского стану у нашей держави вец, гоч ЛСВ у опозициї, нє ма нїч процив роботи у тим напряме, бо ше и ЛСВ за тото роками заклада.