НОВИ САД – З нагоди означованя 97. присоєдинєня Войводини ґу Сербиї, Лиґа социялдемократох Войводини поручела же би положенє Покраїни требало дефиновац през розправу о новим Уставу Сербиї, та же Войводина муши достац законодавну, вивершну и судску власц, свойо приходи и маєток.
– Лєм на таки способ може и муши буц понїщени уставни пуч з 1988. року, кед Милошевичов режим на улїци и насилно утаргнул автономию Войводини. Автономия Войводини то єй здобуте право, хторе ма буц врацене. Лєм наисце автономна Войводина може шицким своїм гражданом ґарантовац просперитет и защиту -сообщела ЛСВ.
З тей странки поручели же треба цо скорей отвориц розправу о пременки Уставу Сербиї, хотри ма буц вименєни по конєц 2017. року.