НОВИ САД – Городски одбор Лиґи социялдемократох Войводини (ЛСВ) Нови Сад сообщел вчера же прилапел поволанку за участвованє у городскей власци, а городоначалнїк Нового Саду Милош Вичевич пред тим вчера виявел же постоя реални шанси же би ЛСВ и Социялистична партия Сербиї участвовали у власци на уровню Нового Саду.
Як поведзене у сообщеню Лиґи, одлука о участвованю у локалней власци у Новим Садзе принєшена „подполно свидомо и з полну одвичательносцу пред виберачами” и же вона „нє ма нїякей вязи з числом подприємствох, лєбо местох хтори ше Лиґи понука, алє з одвичательносцу хтору є порихтана превжац”.
Як додате, на схадзки Городского одбору, отриманей вовторок, заключене же ше понукнута програма розвою Городу „у велькей мири поклопює з планом, визию и приоритетами ЛСВ”.