НОВИ САД – За предсидательку Новинарскей асоцияциї Руснацох (НАР) на вчерайшей Скупштини того здруженя знова вибрана Мартица Тамаш, котра була и єдини кандидат.
До Управного одбору НАР-у вибрани Єлена Перкович, Еуфемия Ґшвенґ, Блаженка Хома Цветкович, Саня Маркович и Златко Рамач, так же заступени шицки три руски редакциї – „Руского слова”, Радия и Телевизиї Нови Сад.
До Надпатраюцого одбору НАР-у вибрани Мария Биндас, Татяна Чулум и Любомир Дудаш.
Три схадзки Скупштини НАР-у (єдна за другу), дзе остатня була виберанкова, вчера, 23. юния отримани у Заводзе за културу войводянских Руснацох у Новим Садзе, а пред виберанками, члени Скупштини прилапели звити о роботи и финансийни звит о дїлованю за остатнї три роки, як и план роботи за тот рок.
