НОВИ САД – Тих дньох почало емитованє новей шпиванки и спота нашого кантавтора Михаила Рамача зоз Дюрдьова, зоз насловом „Дьоле”.
Як цо мож видзиц на каналу Ют’юб, Михаилова шпиванка за нєполни тидзень уж ма вецей як 4 тисячи слуханя, а на дружтвених мрежох ше представя вше ширшей публики.
Музику и текст за писню „Дьоле” написал сам Михаил, у споту участвовали двоме хлапци зоз Дюрдьова – Иван и Владимир Молнарово, а зоз дроном, чийо знїмки похасновани за спот, управял Тимотей Рац.
Попри занїманя зоз музику, Михаил Рамач автор и канала на Ют’юбу „Ґлавом и ставом”, на хторим обявює интервюи и розгварки зоз собешеднїками з дружтвено-културного живота.