НОВИ САД – Мая Орихан з Коцура, млада шветова путнїца пияток, 1. фебруара, була госц Заводу за културу войводянских Руснацох.
З тей нагоди Мая бешедовала о своїх дожицох на путованьох на хторих направела упечатлїви фотоґрафиї и кратки филми, а потолковала и як почала путовац, на яки способ плановала путованя, алє и як кажде може почац свою шветову авантуру.
До тераз, тота млада шветова путнїца була у 56, а жада ище препутовац 194 держави. На каждим путованю упознала вельо людзох и намагала ше справовац и жиц так як ше жиє там дзе ше находзи, цо було интересантне присутним, найвецей младим, та и школяром керестурскей Ґимназиї.
Стретнуце орґанизоване у шветлє титули Младежскей престолнїци Европи котру того року ноши Нови Сад.
