Найпопуларнєйши медицински, економски школи и ґимназиї

автор сен   
810 Опатрене

ВОЙВОДИНА – После другого уписного кругу, у штреднїх школох у Войводини остало 2 310 шлєбодни места. Найвекше интересованє школярох було за ґимназиї, до хторих уписани 26 одсто школярох, а у войводянских ґимназийох остало ище 381 место.

Окрем ґимназийох, интересованє було вельке и за економски и медицински школи, док ремеселнїцки профили знова були єдни з нєпопуларнєйших. Анї єден школяр ше нє уписал на напрям квецар-заградкар у Ковину, прерабяч млєка у Сримскей Митровици, алатнїчар у Печинцох, та гидробудователь у Суботици.

 У Сивернобачким округу остало вєдно 284 места, у Южнобачким 598, Сримским 665, Сивернобанатским 498, Штреднєбанатским 283 и у Южнобанатским 363 шлєбодни места у штреднїх школох.

Податки о шлєбодних местох у авґустовским уписним термину мож опатриц на сайту Министерства просвити  www.mpn.gov.rs

 

ПОВЯЗАНИ ТЕКСТИ