БЕОҐРАД – Министерка державней управи и локалней самоуправи Кори Удовички наявела же у буджету за 2016. рок вироятно будзе менєй пенєжи за финансованє локалних самоуправох, преноша нашо аґенциї.
Вона потолковала же проблем нє у тим кельо єст пенєжи, алє у способе його трошеня, ушореню инґеренцийох локалних самоуправох, одвичательносци и надпатраню запровадзованя предписаньох.
У наиходзацих тижньох почнє явна розправа о закону о финансованю єдинкох локалних самоуправох. Удовички гварела же то значни закон, та обчекує його приношенє уж початком рока и поволала шицких заинтересовани же би ше уключели до явней розправи.