НОВИ САД – Покраїнска влада утвердзела предлоги двох покраїнских скупштинских одлукох котри ше одноша на додзельованє буджетних средствох за национални совити националних меншинох и розвой мултикулурализма и толеранциї, преноши Радио-телевизия Войводини.
За запровадзованє одлуки о способу и критерийох додзельованя буджетних средствох за национални совити, у буджету за 2019. рок, плановани 60,1 милиони динари.
З другу предложену одлуку, за чийо запровадзованє плановани вкупно 47 милиони динари, на цалосни способ ше одредзує додзельованє буджетних средствох за унапредзенє положеня националних меншинох и розвой мултикултуралносци и толеранциї, як и за афирмативни мири за злєпшанє положеня особох котри припадаю ромскей националней меншини.