НОВИ САД/БИКИЧ ДОЛ – Пре пременку обовязкох, промоция популарней сликовнїци отрима ше стреду, 1. юния, на 16 годзин у Основней школи „Сримски фронт” у Бикич Долу.
У рамикох промоциї сликовнїци за дзеци зоз вифарбйованку „Кухня”, єдна з авторкох и редакторка часопису за дзеци „Заградка” Мелания Римар дзецом отрима роботню, зоз котру годни збогациц свойо знанє о кухнї и о руских єдлох.
Сликовнїца и вифарбйованка „Кухня” часц проєкту „Кухня то школа”, котри реализовани з векшинску финансийну потримовку Буджетского фонду за национални меншини Министерства за людски и меншински права и дружтвени диялоґ.
У сликовнїци „Кухня” поучни и франтовлїви писньочки сениорох руских творох за дзеци написали Агнета Бучко Папгаргаї, Силвестер Д. Макаї, Серафина Макаї, Юлиян Пап, Мелания Римар и Оксана Мудри Недич. Илустрациї сликовнїци и вифарбйованки креирала Мария Ковачевич.