НОВИ САД – На нєшкайшей схадзки Скупштини Автономней покраїни Войводини (АПВ), хтора почнє на 10 годзин, пред посланїками 20 точки дньового шору, медзи нїма найвецей о унапредзеньох у обласци здравства, а єдна з найзначнєйших точкох будзе розправа о Предлогу покраїнскей скупштинскей одлуки о буджету АП Войводини за 2016. рок.
Посланїки буду бешедовац и о мирох потримовки у польопривредней политики за розвой валалох у 2016. року, та о Предлогу програми за защиту, ушоренє и хаснованє польопривредней жеми на териториї АПВ.
На дньовим шоре и предлоги покраїнских скупштинских одлукох о рочних програмох хаснованя средствох з буджетских фондох за лєси, води и розвой ловарства у АПВ за 2016. рок, та Предлог о вименкох и дополнєньох покраїнскей скупштинскей одлуки о Явним подприємстве „Войводиналєси”.
Пред покраїнскима посланїками и Предлог одлуки о максималним чишлє занятих на нєодредзени час у системи АПВ, Предлог о анґажованю ревизора за екстерну ревизию закончуюцого рахунку буджету АПВ за 2015. рок, та о Меморандуме о розуменю АПВ и реґиї Ломбардия у Италиї.
Скупштина АПВ би нєшка мала розришиц члена Совиту Медицинского факултету у Новим Садзе и о меновац нового члена.