РУСКИ КЕРЕСТУР – Под час Фестивалу рускей култури „Червена ружа” у Руским Керестуре и того року будзе отримани Керестурски саям, тераз ище баржей пошвецени старим ремеслом.
Керестурски саям будзе на соботу, 25. юния, на просторе коло Майсторского дому (у центре Керестура), почнє на 10 годзин, а будзе тирвац цали дзень.
Попри представяня привреднїкох и виробкох здруженьох женох з наших и других местох, на Сайме буду представени колєсарске, ковальске, штранґарске ремесло, односно ремеселнїки „на живо” укажу як ше правело колєсо, подковало конї, правело штранґ и подобне. Предвидзене же презентация старих ремеслох почнє коло 11 годзин.
Пополадню, коло 15 г. будзе вибрани и найлєпши на грубо колач з маком, у чим ше змагаю здруженя женох.
Керестурски саям и того року орґанизую Здруженє ремеселнїкох и приватних поднїмательох и Здруженє женох „Байка” з Руского Керестура, а з финансийну потримовку Покраїнского секретарияту за польопривреду, водопривреду и лєсарство и Општини Кула.