СУБОТИЦА – З нагоди 125. преслави Першого маю, хтора будзе од нєшка по 3. май, подприємство „Парк Палич” и того року обчекує вєльке число нащивительох, понеже на Паличу пририхтана богата и рижнородна програма.
Попри уж познатого луна парку, на Велькей тераси буду орґанизовани дзецински роботнї, виртуелне фотографованє з Водотурнї, прогарами у ЗОО-загради, подобово роботнї, Медзинародна Першомайска реґата и друге.
Ту и рижнородни погосцительски услуги, предаванє сувенирох и других ремесельнїцких продуктох, лакоткох, буду и спортски програми, а погосцительни обєкти ше добре порихтали за нащивительох.