НОВИ САД – На пияток, 4. марца, у Покраїнским заводу за защиту природи, будзе отворена мемориялна вистава фотоґрафийох нашого познатого фотоґрафа Ярослава Папа (1957-2021) под назву „Око шицких нас”.
Пред самим отвераньом вистави, котре заплановане за 12 годзин, будзе приказани документарни филм „Ярослав Пап – фотоґраф природи” котри зняла Радио-телевизия Войводини 2001. року.
Виставу отвори о. д. директорка Заводу Наташа Сарич, у улїци Радничка 20а, а шицки присутни муша почитовац предписани епидемийни мири.