НОВИ САД – Петнасти Фестивал дзецинскей творчосци Руснацох Войводини „Веселинка” будзе отримани на ютре 11. юния, у новосадским Руским културним центре (Йована Суботича 8), хтори и орґанизатор Фестивалу.
На „Веселинки” участвую дзеци з наших местох, менторе-аниматоре и ґлумци. Креативни роботнї на Фестивалє почню на 17, а музично-сценска програма на 20 годзин.
„Веселинка” того року пошвецена театру, з нагоди означованя 400-рочнїци Шекспировей шмерци.
Сценарий и режию „Веселинки” подписує Звоним Павлович, а Фестивал финансийно потримую Министерства култури РС, покраїнски сеекретарияти за образованє и за културу, Город Нови Сад, Национални совит Руснацох, як и спонзоре.