РУТЕНПРЕС – На ютре, 27. марца, по григориянским календаре Велька Ноц – Воскресенє Исуса Христа – найвекше християнске швето. Умераюци, Исус знїщел грихи чловечества и подаровал нови живот. То швето радосци, любови и мира.
У Апостолским еґзархату за грекокатолїкох у Сербиї Вельку ноц на ютре преславя вирни у Руским Керестуре, а у Сербиї Пасху по новим календаре преславюю католїки, протестанти, анґликанци и велї менши церкви.
Христово воскресенє ютре преславя и вирни у Крижевским владичестве у Горватскей, як и грекокатолїки у Словацкей, котри ше тиж ровнаю по григориянским календаре.
Нарок Пасху шицки вирни, и по григориянским и по юлиянским календаре, преславя исти дзень – 16. априла.