ЗОМБОР – На Сайме поднїмательства, хтори на ютре будзе отримани у Зомборе, нащивительом буду представени коло 200 идеї за порушованє власней роботи з обласци продукциї, польопривреди, тарґовини и услужних дїялносцох. Саям насампредз наменєни нєзанятим особом, потим людзом котри остали без роботи, та шицким котри жадаю порушац власни бизнис.
Нащивителє достаню едукативни приручнїки, а од локалних поднїмательох годни достац безплатни совити о порушованю бизнису.
Саям будзе отримани у рамикох проєкту „Шанса за нови початок” хтори запровадзую Сербска асоцияция менаджерох и „DNA Communications”, з потримовку USAID и у сотруднїцтве з Реґионалну привредну комору Зомбор, Националну службу за обезпечованє роботи, Канцералию за локални економски розвой Општини Кула и другима.
На Сайме будзе представене и Обще здруженє поднїмательох Кули, а вєдно з нїм и Здруженє ремеселнїкох и приватних поднїмательох Руского Керестура.
Саям поднїмательства будзе од 11 до 16 годзин у Кристалней сали дакедишнього готелу „Шлєбода”.