СЕРБИЯ – Национална служба за обезпечованє роботи (НСЗ) розписала явни поволанки-конкурси за витворйованє програмох и мирох активней политики за обезпечованє роботи, хтори предвидзени з Програму роботи Служби за 2016. рок.
Розписани Явна поволанка роботодавательом за додзельованє субвенцийох за обезпечованє роботи нєзанятим з катеґориї особох котри чежше доставаю роботу за новотворени роботни места у тим року.
Розписана и Явна поволанка нєзанятим Ромом за додзельованє субвенцийох за самообезпечованє роботи у 2016. року, Явна поволанка нєзанятим за додзельованє субвенцийох за самообезпечованє роботи, та явна поволанка роботодавательом за субвенцию часци заробку хасновательом пенєжней социялней помоци у тим року.
Ґу тому, розписани и Явни конкурс за орґанизованє и витворйованє явних роботох за хтори ше анґажує нєзаняти особи и нєзаняти особи з инвалидитетом.
Шицки явни поволанки и конкурси мож опатриц на сайту НСЗ, а информациї мож достац и у каждей орґанизацийней єдинки НСЗ.