НОВИ САД – У новосадскей конкатедрали святих апостолох Петра и Павла виглашене же на нєдзелю 11. октобра почнє виронаука за школски дзеци и пририхтованя за Святу тайну першей причасци.
Внєдзелю, 4. октобра на Служби Божей хтору служел новосадски парох о. Дарко Рац виглашел же виронаука за школски дзеци почнє на нєдзелю на 17 годзин кед ше зоз родичами отрима родительску схадзку. Треба же би пришли и дзеци и родичи же би ше упознали и зоз шестру Веронику хтора будзе тримац виронауку.
Парох о. Рац подзековал тим цо даровали на Церкву, бо купени два инвентер клими хтори монтирали церковнїки у технїчним мандату, а тиж и Мирославови Загорянскому хтори подаровал до церкви два лавки.
На пондзелок, нєшка, 5. октобра Служба Божа будзе на 18 годзин, после служби будзе ше модлїц Акафист до Пресвятей Богородици за здравє.