НОВИ САД – Член Бициґлистичного клубу „Гайдук” зоз Кули Боян Сивч побиднїк Жимскей лиґи 28. медзинародного бициґлистичного Дунайского купу, хтори на Дунайским кею у Новим Садзе отримани прешлого викенду.
После седем возбудлївих обегованьох, у конкуренциї 81-ого бициґлисти, Боян Сивч триюмфовал опрез Слободана Радовановича зоз шидскей „Єдноти” и Душана Туркулова зоз „Ивникта байка” Нови Сад.
Як пише портал „Ку-медиа”, то найвекши успих кулских бициґлистох у їх потерашнєй клубскей историї. Ґу тому успиху Бояна Сивча треба додац и податок же Милован Байчетич, тиж член того Клубу, победзел у обегованю ЦФА (Сайклинґ фор ол) катеґориї.
Зоз обегованьом на Дунайским кею у Новим Садзе закончела ше Жимска лиґа, а почала нова сезона Дунайского купу, та ше кулски бициґлисти наздаваю новим добрим резултатом.