„Ноц театрох” и у Вербаше

автор зам
927 Опатрене

ВЕРБАС – На ютре, 19. новембра, у медзинародней акциї „Ноц театрох” участвує и Вербас, пише портал Општини Вербас, так же од рана до позно вноци буду отримани вецей програми и театрални представи. Попри Вербасу, у „Ноци театрох” у Сербиї участвую ище 16 городи.

У Културним центре Вербас на 9 рано будзе отворена вистава малюнкох, маскох, костимох, на 10 роботня „Шмих, йоґа и медитация”, а на 12 г. роботня за ровиванє мриї и креативносци, пошвецена бабком.

На 14 г. будзе представа за дзеци, на 15,30 явна годзина ґлуми за дзеци, а на 17 г. представа „Спреводзкоше – одаванка и женїдба” Йована Стериї Поповича, у сали Биоскопу „Югославия”.

У Биоскопе на 19,30 г. будзе кабаре ґлумици Єлици Брестовац „Глєдам мужа”, а на 22 г. у голу Биоскопу програма з назву „Ноц под масками” – друженє з музику з представох.

ПОВЯЗАНИ ТЕКСТИ