КИСАЧ – Млади ґрупи з Войводини, хтори нє маю обявени албум, а маю голєм два авторски композициї, можу ше приявиц за участвованє на змагательней часци „Ґитарияди Кисач 2015“. Конкурс тирва до ютра, 9. септембра.
Ґитарияда будзе того викенду, 11. и 12. септембра на стадионє ФК „Татра” у Кисачу, дзе у музичней часци наступя ґрупи „Битанґе”, „Love Hunters” („Лав хантерс”), ИНЗПМ и „Рибля Чорба”. Окрем музичней часци, наявена и вистава фотоґрафийох рок-бендох зоз 70. рокох, автора Зорана Веселиновича, вистава ридких плочох и часописох, та Урбан арт роботнї.
Нєафирмовани бенди чийо писнї буду найлєпше оценєти, у Студию М годни зняц побиднїцки композициї.
Вецей информациї, як и формулар за приявйованє, мож найсц на сайту www.gitarijadakisac.com