ОСИЄК (ГОРВАТСКА) – У Осиєку нєшка будзе ювилейне, дзешате стретнуце хорох и шпивацких ґрупох Руснацох у Републики Горватскей (РГ) „Дравских габох”, хторе орґанизує КУД Руснацох з того городу.
Наступя члени руских дружтвох з Вуковару, Петровцох, Миклошевцох, Винковцох, Риєки и Осиєку, а як госци члени КПД ”Карпати” з Вербасу и Матки словацкей з Осиєку. Попри шпивачох, на манифестациї наступи и танєчна ґрупа КУД ”Яким Гарди” з Петровцох.
”Дравски габи” буду отримани у ткв. ”Шечеранским доме” (Франкопанска 99), а початок на 17 годзин.
Манифестацию финансийно потримую Совит за национални меншини РГ, Город Осиєк, соборски заступнїк Велько Кайтази и Осиєцко-бараньска жупания.