НОВИ САД – Нєшка у Музею Войводини будзе отворена 7. Рочна вистава фоторепортерох Нового Саду и Войводини з назву „Обєктивно”, а з нагоди „Фоторепортерского нового року”, хтори ше уж вецей як 50 роки означує у Новим Садзе.
Нєшка будзе отворена и вистава Андраша Отоша з нагоди 30-рочнїци роботи и 75-рочнїци дньових новинох на мадярским язику „Мадяр Со”.
На вистави буду виложени роботи вецей як 30 активних новосадских и войводянских фоторепортерох, а медзи нїма и фоторепортерки наших новинох „Руске слово” Вероники Вуячич. Селектор тогорочней вистави доаєн фотоґрафиї Ґеза Ленерт, хтори того року означує 50-рочнїцу фотоґрафскей роботи.
Вистава у Ґалериї Музею Войводини (Дунайска 35) нєшка будзе шветочно отворена на 19 годзин, а тирва по 20. януар.
Тогорочни орґанизаторе вистави Фото-асоцияция Войводини, Музей Войводини и висши кустос Дариюш Сами, а отримує ше з потримовку Управи за културу Городу Нови Сад.