ДЮРДЬОВ – На Медзинародним сайме кнїжкох у Новим Садзе, котри почина нєшка а будзе тирвац по нєдзелю 11. марец, у рамикох представяня славянскей култури будзе представена робота Културно-уметнїцкого дружтва „Тарас Шевченко” з Дюрдьова.
Члени того Дружтва представя нашу традицию, народне облєчиво, шпиванку и обичаї з вецей виводзенями, а литературну творчосц престави Яким Чапко зоз презентацию своєй найновшей кнїжки „Церень спод нохца”.
Представянє дюрдьовского Дружтва почнє на 18 годзин у гали Сайма.