Нє прилапени Предлог о символох АПВ

автор ртв/сен
712 Опатрене

НОВИ САД – На вчерайшей схадзки, Скупштина Войводини нє прилапела Предлог покраїнскей скупштинскей одлуки о хаснованю символох и традицийних символох Автономней покраїни Войводини (АПВ), понеже за ньго нє гласало вецей як 80 посланїки, кельо було потребне.

З Предлогом було предвидзене же би ше з урядовима символами визначовали и сербска застава и герб з 1848. року, а Предлог виробели члени Одбору за питаня уставно-правного положеня Покраїни, професоре Правного факултету у Новим Садзе Слободан Орлович и Бранислав Ристивоєвич.

За прилапйованє Предлогу гласали 50 посланїки Скупштини Войводини, 42-ойо були стримани, а процив були 10-еро посланїки.

Понеже посланїки Демократскей странки прешлого тижня наявели же потримаю Предлог, обчековало ше же вон на вчерайшей схадзки будзе прилапени. Медзитим, вони остали стримани, як и посланїки Новей демократскей странки, док процив Предлогу, як и наявели, гласали посланїки Лиґи социялдемократох Войводини.

 

ПОВЯЗАНИ ТЕКСТИ