ВЕРБАС – Колектив Общого шпиталю Вербас успишно закончел процес реакредитациї, хтори почал 23. януара 2014 року, а закончени є 2. децембра прешлого року з нащиву вонкашнїх оценьовачох Аґенциї за акредитованє здравствених установох Сербиї (АЗУС).
На основу звиту о самооценьованю и звиту о вонкашнїм оценьованю, АЗУС Общи шпиталь Вербас акредитовал на три роки.
Як визначел директор Шпиталю др Йован Янич, у согласносци з препорученями Тиму за вонкашнє оценьованє и реалнима можлївосцами, у тей установи ше и надалєй буду намагац же би нєпреривно унапредзовали квалитет роботи у наступним тророчним периодзе.