РУСКИ КЕРЕСТУР – На Ют’юб каналу Дома култури Руски Керестур (ДКРК) обявена рисована анимация дзецинскей шпиванки „Гусаре”, у рамикох проєкту ДКРК – 52. „Червене пупче” 2020.
Слово о шпиванки за хтору текст и музику написал Владимир Дудаш, аранжман Мирослав Пап, а на „Червеним пупчу” 2004. року ю одшпивали Алексей Орос, Александар Гарди и Петар Пап.
Дизайнер анимациї Златко Русковски Чоби, фахови консултант мастер педаґоґ Марина Дудаш, а координаторки проєкту Ивана Дудаш, Мая Зазуляк Гарди и Таня Арва Планчак.
То перша од пейцох шпиванкох за хтори Русковски пороби рисовани анимациї, а у наиходзацих мешацох буду обявени видеа и за шпиванки „Перши шнїг”, „У бабовим заднїм дворе”, „Нєшор” и „Муки любовни”, хтори виведзени на скорейших „Пупчох”.