ВОЙВОДИНА – Всоботу, 4. юлия, з Виберанкову конференцию, Шветочну схадзку и вежбу, Огньогасни союз Войводини означел 65-роки роботи. З тей нагоди представителє огньогасцох здогадли же огень добри слуга, алє нє добри ґазда.
Огньогасни союз спозорел на значносц людского фактору у виволованю огня и сликовито приказал роботу огньогасцох.
– Кед би ше преходзело коло рики и видзело же ше у нєй дави баба, єдни би подумали же цо роби баба коло рики кед нє зна плївац, други би волали до помоци, а треци би скочели, гоч нє знаю плївац. Таки огньогасци – гварел з тей нагоди Йожеф Варґа з Огньогасного союзу Бечей, толкуюци гуманосц добродзечних и професийних огньогасцох.
На шветочносцох з нагоди означованя 65-рочнїци Огньогасного союзу Войводини присуствовали и госци з Горватскей.