КУЛА/РУСКИ КЕРЕСТУР – У ПУ „Бамби” з Кули, та так и у єй керестурским Оддзелєню „Цицибан”, упис дзецох за школски 2015/16. рок будзе од 4. по 16. май, цо два тижнї кратше як прешли роки.
До полдньового пребуваня ше годни уписац дзеци народзени 2009. и 2010. року, а до цалодньового дзеци од єдного до седем рокох.
Од документох за упис потребне кресцене писмо дзецка, а за дзеци котри ше уписую на пририхтуюцу предшколску програму (народзени од 1. марца 2009. по 1. марец 2010. року), потребни и доказ о здравственим препатрунку дзецка.
На упис, хтори будзе у будинку дзецинскей заградки кажди роботни дзень од 12 до 13 годзин, треба привесц и дзецко.
Як наглашую у „Бамбию”, важне же би родичи почитовали термин упису, пре лєгчейше формованє воспитних ґрупох, поготов предшколских дзецох.