НОВИ САД – Всоботу, 4. априла, члени ротари-клубох з Нового Саду орґанизовали акцию „Кажди ротариянєц єдно древко“, у хторей на Булеваре Европи посадзели 70 древка и з тим допринєсли ожелєньованю городу.
Акцию иницировал Ротари-клуб Нови Сад-Алма Монс, а приключели ше и члени ище трох таких клубох. Предсидатель клубу Растко Улич наявел же акция будзе отримана и нарок, кеди поволаю и гражданох Нового Саду же би ше приключели.