БЕОҐРАД – На схадзки Влади Републики Сербиї, хтора отримана 24. децембра, на дньовим шоре було прилапйопванє предкладох о поставяню державних секретарох вецей ресорних министерствох.
На предклад министерки за людски и меншински права и дружтвени диялоґ Ґордани Чомич, на функцию державного секретара Министерства за людски и меншински права и дружтвени диялоґ вибрана Олена Папуґа.
За тераз то ище вше нєурядова информация хтора пре процедуру будзе обявена тих дньох у Службеним глашнїку, источасно кед и Папуґова достанє и ришенє о менованю.
На тей функциї будзе задлужена за права меншинских заєднїцох на териториї Републики Сербиї.